中一收生日

今日係沙蘇中一收生面試日，一早8:00返到去校長已經捉左班老師開會。

整日我就係負責帶隊同迎賓~XDDD

因為同一時間有高考進行，所以當我帶D小學生同家長上去時要兜一個勁大既圈~~哈哈~有D家長真係會覺得唔耐煩~~~唉...都無法啦....d學生家長黎到要等成半個鐘，之後又比迫睇10分鐘短片，再行個大運先可以面試，唔面黑就假!!!

不過講起條短片，居然係n年前我重未畢業時"星期二檔案"幫學校拍果條片@@!!!重點係我睇到勁多同我同屆既朋友&我自己接受訪問!!!!!哈哈哈~自己都覺得好搞笑~~所以啦啦聲抄左條片走~XDDD (其實02 or 03年拍左到e+,我都係第一次睇到條片~:p)

係帶隊當中，我比d家長問左好多問題，問得最多既就係"無second in係未就即係無機會家啦?"。其實蘇浙好得意地會有d同學有second in，有d就無。再加上second in係同一日，即係first in完如果個同學仔要second in就會比人帶上5樓，無second in既就無人理，自己走的。咁好難怪d家長會咁覺得既。睇住人地個仔比人帶上去second in，自己個仔就走得，比我都會咁諗啦....

早上既面試完左之後，食完個lunch就到下午既面試，今次比校長叫左去做迎賓!!!即係去迎接下係操場等左30分鐘既家長!!!可想而知佢地既表情係點....講真，見到既真係得4個表情﹕1.黑面 2.期待熱切既眼神 3.緊張 (當然唔係所有家長學生都係)

1同2出現係家長為最主要，至於3....係所有既小學生都係~~~

哈哈~不過要你等30分鐘，又難怪黑面既~~另外，又有一個"老師"係度行黎行去，又難怪唔會以為e個"老師"係可能睇緊大家既表現，所以用期待熱切既眼神望住山既。到最後，我都係駛出"絕招"!!比個遊戲佢地玩~XDDD 終於有大部份既學生面上出現返笑容，家長都放鬆返~KAKAKA

到最後，3:45PM終於完成埋最後一批，total全日有5XX個面試......